LittleK。Travel。Life

2015/09/30

生活｜月餅妹與客

與客交流

-------------------------------------------------

有一日有個婆婆行入黎指住D月餅仔指手劃腳
我意識到婆婆係講唔到野
指左一輪婆婆想要既白蓮蓉無貨
之後婆婆忍唔住示意想寫野
原來佢想問幾時返貨
我同佢講唔知
佢又示意聽唔到叫我寫
佢睇完之後無奈地去揀黃蓮蓉
我初初以為佢買一兩個食
之後見佢拎左十個
就拎左一盒4個裝既白蓮蓉比佢睇
佢示意話唔岩做出送比人既動作
之後寫左一人送一份大家都有份既字

之後就去左比錢

如果我以前話想學手語時真係有去學
今日會唔會好過D呢

-------------------------------------------------

客: 有無XXX月餅呀?
我: 賣晒啦
客: 係賣晒定無呀?
我: 賣晒啦
客: 你講清楚好喎! 唔同架喎!
我: 賣...(此時副店過路..)
客: 有無XXX月餅呀?
副店: 唔好意思, 賣晒啦
客: 哦~賣晒拿

我到底有乜唔清楚?!

-------------------------------------------------

客: 有無咩銀行有折呀?
我: 渣兜銀行有八折
客: 中共銀行呢?
我: 無架~淨係渣兜銀行先有
客: 有無搞錯呀中共銀行都無折

-------------------------------------------------

話說買滿足夠金額就有ABC幾樣野送
客: 我唔要A 要多一個C得唔得呀
我: 唔得架公司規定左要一SET咁送如果唔係出唔到單架
客: C平過A架喎咁都唔得!?
我: 係呀唔得架
客: (A面搖頭) 唉而家既香港真係一D都唔識變通既

其實有贈品已經係BONUS 係咪需要貪小便宜貪得咁盡呢?

-------------------------------------------------

有一日有個客買左一盒月餅
我拎一盒出黎開比佢睇
客: 咁燶既開第二盒黎睇下
開第二盒
客: 嘩都係咁燶既開多盒黎睇
我望一望後面條龍再望一望後面個客
開第三盒
客: 點解都係咁既開多盒最後一盒啦
開第四盒
客: 我要呢盒 (指住第2盒)
我: 好呀多謝晒

其實SALES真係一個賣笑既工作
無論你心入面點諗都仍然係需要講一句多謝晒

呢句多謝晒係機械式
但遇到有禮貌有笑容既客人我會講多一句BYEBYE 真心既

-------------------------------------------------

客: 想要A月餅
我: 得返DISPLAY呢盒咋
客: 下, 比人睇過晒唔係咁好喎
我: 咁無啦
客: 咁我要B月餅啦

-------------------------------------------------

有日有個強國人黎買月餅唔記得帶折扣信用卡
客: 要XXX月餅
客: 我無帶折扣信用卡
同事: 咁無折架喎
客: 下無折架
同事: 係呀要有張折扣信用卡先有折架而家送贈品啦
客: 唉送D垃圾比我有咩用
埋單之後..
客: 送嗰D垃圾喺邊度?
同事: 放埋喺個袋入面架啦

點解對垃圾都咁緊張既?!

-------------------------------------------------

客: 你地有無金華火腿月餅?
我: 有呀 (指比佢睇)
客: 拎黎睇下
(我就拎一個比佢睇)
客: 你地D金華火腿月餅有無金華火腿架?
我: 有架, 有金華火腿絲喺入面
客: 係咪真係有架, 我食過第二間無架!
我心諗咁你快D去告佢違反商品說明條例啦!
我: 真係有架, 呢道都寫住(我指住成份表入面既金華火腿比佢睇)
客: 係咪真架?!
客: 你有無切開過黎睇先?!
我: ......

我好想答佢你手上呢個我的確無切開過黎睇..
佢見我窒左無回應就拎住個金華火腿月餅去比錢...

-------------------------------------------------

有一日, 有個中年男人拎住張美心月餅卡入黎話要換月餅

男人: 要換月餅
同事: 你呢張餅卡係美心架喎
男人: 月餅呀
同事: 你要去返美心換架
男人: 美心, 美心無呀
同事: 我地呢度換唔到架
男人: 換唔到架

同類事件之後都發生左幾次
拎住第二間餅店既餅卡入黎話要換月餅
其實我唔明點解佢地會覺得係可以換到架呢?
你地有無試過拎惠康現金卷去百佳用, 係成功用到架?

-------------------------------------------------

有一日有個客拎住張A月餅咭黎問我可唔可以換B月餅
其實喺貨量充足既情況下係可以換既
但係佢中秋前幾日先黎換
B月餅得返幾盒上頭指示B月餅只可以用B月餅卡換連賣都唔可以
所以就話比佢知唔得

客: 我呢張A月餅卡呢, 想換B月餅
我: 因為唔夠貨呀所以而家唔可以換比你呀
客: 你換一盒比我啦
我: 真係唔得呀
客: 人地美心都肯換比我
客: 你地XX分店都肯換比我
我: 喺貨源充足既時候係可以換既你上星期黎都換到但而家唔夠貨上頭指示唔可以換呀
客同友人講: 早知早D黎換啦
客: 你換一盒比我啦
我: 真係唔得呢
客: 唉! 食乜野奇華丫, 食美心咪好囉
同事見我糾纏左咁耐行埋黎睇下咩事
客: 我想換B月餅
同事: 而家唔夠貨所以無得換呀
個客見講落去都無用就A晒面咁換月餅但仍然講
客: 你地XX分店都肯換比我
我: 喺貨源充足既時候真係可以換既但而家唔夠貨所以無得換
客: 你地講架JE 你唔肯做之嘛

我心裡真係有幾萬句粗口
講真可以既話我都想換比你塞住你把口而唔係企喺度比你X
我而家換比你下一個客拎住B月餅卡黎換唔到B月餅
咁咪又係我地比人X

其實你知道自己太遲換就好啦
你拎住A月餅卡想換B月餅
換比你係人情唔換比你係道理囉
你想要B月餅, 點解一早唔買B月餅卡而買A月餅卡呢?!

-------------------------------------------------

有個婆婆買左2盒月餅有贈品送

我: 呢道2盒XX月餅
我: 呢盒月餅就送既仲有XXXX都係送既
客: 哈哈哈買2盒月餅都有咁多野送呀
我: 係呀 XXXX記住睇返日子返黎用呀唔使再比錢架啦
客: 哈哈哈多謝晒

-------------------------------------------------

雖然怪獸客人好多
不過都有唔少客人係好有禮貌唔該前唔該後

生活｜月餅妹之體驗

放左2個月暑假

上網見到餅店請臨時店員

就諗住去試下點知一見就請左
唔好以後我淨係識得吃喝玩樂去旅行
其實我係會工作架

9月1日學生開始返學

我就開始月餅妹既工作

咁大個女都未做過SALES

亦好幾年無做過要長時間企同面對客既工作

真係一個挑戰

第一日返工要開始記住二三十款月餅

唔同既禮盒包含咩月餅買月餅有咩優惠

咁都好正常

之後就見識到強國人既威力啦

黎買幾千蚊月餅比完錢就叫我地幫佢地拎去停車場

X! 真係好鬼重架

第一日放工返到屋企真係攰到一個點

連飯都無食就即刻沖涼瞓覺

第二日起身發覺左手膞頭同老鼠仔都好鬼刺痛

幾痛都都係要工作既只希望強國人唔好再出現啦
但係即使強國人唔出現
我都仍然係要搬月餅
一盤盤裝有最多72個正常SIZE月餅既盤
每個月餅重~190g, 一盤就可以重超過13kg

每搬一盤就感覺到左手肌肉既刺痛
唔知D大隻佬喺GYM房舉啞鈴舉到嗌出黎
係唔係就係因為要衝破呢種肌肉刺痛既感覺呢

返工第三日就被指派去工廠將月餅入罐
過程真係好緊湊亦好緊張
因為你慢左就會拖慢後面既步驟
不過亦因為無停手時間好似過得好快
好似一陣就夠鐘食飯食完飯一陣就夠鐘放工
12個人一日入左7千幾罐月餅好勁!
仲有去工廠工作係會包午餐
三餸一湯白飯任裝
唔係講笑 D餸都煮得幾好食架喎~

去到第4日要OT 差唔多返左成十二個鐘
全日都係得半個鐘食飯休息

到第6日我終於放假啦
都係喺屋企瞓覺休息
左手肌肉終於無咁痛

第一個星期過去開始習慣
放工唔再係即刻沖涼瞓覺
而係可以再睇一陣電視

隨著我返工既日子越來越多
就遇到越多奇怪問題無理顧客等等
不過好彩既係有咩我解答唔到既問題
都可以向其他同事求救
佢地經驗比我豐富嘛

同埋真係差唔多日日都有水客黎入貨架喎
月餅曲奇禮盒蛋卷馬仔
真係估唔到原來馬仔都有得走水貨哈哈
不過佢地真係好勁
拖一個大喼再手拎2,3個大膠袋
如果係月餅真係好重架
佢地賺既都係我無可能賺到既辛苦錢
雖然我佩服佢地但絕對唔會認同

講返我既工作
其實我主要係企喺月餅檔
推銷優惠吸引客人買多D月餅
解答客人對月餅既問題
叫客人去收銀處比錢再憑收據過黎拎月餅
客人比收據我睇我執月餅比佢地
適當時候為月餅檔補給月餅
仲有其他與月餅相關既跑腿工作等

當然因為餅鋪唔單止賣月餅既
有其他客人入黎問其他產品既問題時
我都要聽下其他同事點答如果下次有客問我
咁我都可以答下D簡單常見既問題

然而比較熟我既朋友都知
我對英文既恐懼感尤其係對話

但返得呢份工我人企喺度
當有外籍客人入黎問我問題
我根本無得避只可以硬著頭皮去面對
用所有可行既方法嘗試去解答佢地既問題
當然有D問題係我答唔到
例如黃蓮蓉同白蓮蓉有咩分別?
記得當日係我頭幾日返工其實連我自己都唔知有咩分別
我都唔記得我答左佢D乜但肯定佢地係唔明既
不過佢地都體諒或者當我唔識英文啦哈哈
雖然呢次我答唔到但我返屋企有認真研究應該點答架

仲有喺佢地既發問既同時
我亦學識左幾個英文
例如奶黃原來即係吉士Custard
蛋黃係Yolk
蓮蓉係Lotus Seed
合桃係Walnut
金華火腿係Chinese Ham
綠豆係Mung Bean
我諗我以後都會記得呢幾個英文

做下做下就黎到中秋前幾日
每年中秋餅店都會送月餅比員工
而我同長工同樣都有4盒真係有D意外

27日入面,放左4日假, 總共返左219個鐘
最早返早上7點

最夜放晚上9點半
最長一日返左12.5小時

你睇我既工作只係行行企企
其實我仲要搬搬抬抬受客人氣
一日企足12個鐘真係好攰架
有客人有野做既時候都仲好D
無客人既時候真係又悶又眼瞓

做完之後更覺SALES真係唔易做呀

仲有以前我以為SALES一日見咁多客
唔會認得D客人
但做完先知有D比較特別既客人
真係見完一次就會認得

呢一個月過得雖然辛苦
但我好慶幸自己有堅持完成呢個任務
因為真係一個好好既體驗
去到最後一日仲有DD唔捨得

因為同事們都好好
我覺得佢地之間就好似一個家庭咁
雖然我只係一個過客
但係佢地有野食都會分埋比我
我覺得係好幸運既一件事
多謝你地後會有期=]

2015/07/08

小K說｜關於不喜歡的人和事 About The Things You Don't Like

任何人在每一個階段都總會接觸到自己不喜歡的人，
當還在讀書的時候，如果那些人是同學，
我們可以選擇不跟他們做朋友來避免跟他們相處。
但踏入社會工作，如果那些人是客戶是同事，甚至是老闆，
就沒辦法避免不跟他們接觸。

最近在網上看到一段文字，覺得說得很好。

"人總有性格合與不合，
每當我遇到一些與我性格天南地北的人，
由於我相信大家其實是來自一個"本源"，
我總會非常感激的對Universe說"真感激他/她負責了這部份的性格"，
每次一這樣想，你就容易的接受每一個人了。
而當我們遇到令我們覺得不合理的人和事時，
只要當它是一個經歷，
讓這事件的energy流過你，
即不是你抓著這能量，
那麼你的心情很快便可以平靜下來。＂

"仇恨、敵對、猜疑、嫉妒都屬於當事人或當事魂，旁人不須被之牽動，毋須跌入這情緒漩渦。
一參與，就變成集體負能量，而集體負能量威力很大，大得足以地動山搖。
我們要學的，是靜靜待在一旁觀察，感謝並祝福雙方，看世界將會因為這件事而帶給我們甚麼，
更重要是：想想究竟你希望這件為世界帶來甚麼？因為世界是我們有份創造的，每件事的發生、
每個情緒的牽動，都是改變世界的能量元素，
萬法由心生，取決於我們的心，我們的心怎樣，世界便變成怎樣。"

最近的一年，多了機會接觸不同的人，
開始無可避免地要與不喜歡的人接觸。
剛開始的時候，我會因為對方的行為說話而不開心一整天，
現在是慢慢在學習調整自己的心態。

遇到不喜歡的人，
要感謝自己沒有像他們一般，同時要告誡自己不要變成這樣的人。

遇到了喜歡佔別人便宜或唯利是途的人，
要告誡自己不要被利益蒙蔽了自己的心。
遇到了自以為是的人或喜歡抬高自己而貶低別人的人，
要記得即使將來得到了一些成就，也不要狂慠自大。
遇到了搞小動作說是非的人，
要記得千萬不要參與其中，謠言止於智者。

我知道以後還會遇到更多不同的人，
但是在任何時候都要緊記自己的原則就好了。

2015/06/17

小K遊記｜悉尼x開恩茲12天2015｜Day11 Sydney - St Mary's Cathedral - Sydney Opera House - The Rocks

2015年4月澳洲悉尼x開恩茲 12天

Day 11 Sydney - Hyde Park - St Mary's Cathedral - Art Gallery of New South Wales - Sydney Opera House - The Rocks

離開前的最後一天，我可以自由地去任何地方啦，所以是超充實的一天。

早上去了這間朋友推介的熱狗車Harry's Cafe de Wheels食早餐，

這間Harry's有幾間分店，剛好在我入住的酒店附近就有一間。

點了一隻Hot Dog de Wheels，很大隻的，比我的手掌還要大四分一，

餡料有熱狗腸、豆、洋蔥、還有幾種醬汁，我只食得下半隻，

至於味道呢，我不太喜歡那些醬汁，

我還是喜歡最普通的那些只有一條香腸的熱狗。

Harry's Cafe de Wheels

Hot Dog de Wheels

食完早餐後，就經過了Hyde Park，城市中的綠洲，
看著別人坐在樹下看書，真的好寫意。

Hyde Park

Hyde Park

然後也參觀了在Hyde Park裏的ANZAC Memorial，
是紀念第一次世界大戰澳洲軍人的地方。

ANZAC Memorial

在Hyde Park閒逛了一個圈之後，去了St Mary's Cathedral，是一座天主教堂。
太陽真的好大，教堂完全是背光了。

St Mary's Cathedral

歌德式的教堂，彩繪玻璃窗，很美。
雖然我不是天主教徒或基督徒，但也覺得教堂是一個神聖的地方。
如果我知道旅行的地方有這樣的教堂的話，我都會想去看看。

St Mary's Cathedral的背面。

St Mary's Cathedral

離開St Mary's Cathedral，繼續去了Art Gallery of New South Wales。

這間美術館是免費入場的，規模不小，而且收藏了很多不同種類的展品，

絕對值得去一看。

Art Gallery of New South Wales

看完美術館，就經過皇家植物園 Royal Botanic Gardens往歌劇院進發。
植物園的規模很大，有時間慢慢閒逛的話，可以逛上半天。
我去歌劇院的途中，看到不少人在跑步，突然覺得悉尼人好健康，哈哈。

Royal Botanic Gardens

如果不想走路，還可以坐小火車參觀植物園。

從酒店一路看景點一路往這方向走過來，終於來到今天最重要的目的地，悉尼歌劇院 Sydney Opera House。

Sydney Opera House

來到歌劇院，參加了歌劇院的導賞團，導賞團有提供不同語言的，
因為我的英大太爛，所以選了普通話的(AUD$24)。
半個小時的導賞團主要是介紹了歌劇院的背景，演出，建造過程，
看了一些內部建築結構，也就參觀了第二大的表演廳，
剛好有人在排練芭蕾舞，就看了幾分鐘的練習表演。

英文的導賞團是一個小時的，相信能看的東西會較多。

Sydney Opera House

Sydney Opera House

Sydney Opera House

導賞完畢後，就在歌劇院附近逛了一會，之後就去了The Rocks。

Sydney Opera House

Sydney Harbour Bridge

The Rocks平日的人流比起The Rocks Market開的日子少很多，有點冷清的感覺。

經過Pancakes On The Rocks，發現不用排隊也沒甚麼人。
因為看很多地方都有介紹，而且之前2次在晚飯的時候經過都很多人排隊，
所以遇到它不用排隊就決定去試試啦。

Pancakes On The Rocks

Pancakes On The Rocks

第一次聽到Pancakes On The Rocks這名字的時候，
我還以為是只賣Pancakes或是甜品的甜品店，
到來了才知道原來它是一間餐廳，沙律、肉、Pizza等等都有。

但我當然是要試試這裡的Pancakes啦，點了一份Chocolate Jewels(AUD$11.95)。
就是朱古力Pancake配朱古力雪糕和朱古力醬。
本來我是很期待的，但是食過之後就真的很失望了。
雖然說是朱古力Pancake，但是沒甚麼朱古力味，
雪糕的朱古力味也沒有太濃，還是覺得Häagen-Dazs的比利時朱古力雪糕最好味。

我事先沒有看過甚麼是這裡的招牌菜，
可能應該食原味Pancake吧，或是主菜才好味，不知道。